काठमाडौँ । आईसीसी पुरुष टी-२० विश्वकप २०२६ अन्तर्गत समूह ‘डी’ को दक्षिण अफ्रिका र अफगानिस्तानबिचको रोमाञ्चक खेल सुपरओभरमा गएको छ ।
अहमदाबादको नरेन्द्र मोदी स्टेडियममा जारी खेलमा टस हारेर पहिला ब्याटिङ गरेको दक्षिण अफ्रिकाले २० ओभरमा ६ विकेट गुमाएर १८७ रन बनाएको थियो।जबाफि ब्याटिङमा उत्रिएको अफगानिस्तानले पनि २० ओभरमा सबै विकेट गुमाएर १८७ रन बनायो ।
अफगानिस्तान टोलीलाई जितको लागि ३ बलमा २ रन आवश्यक थियो तर अन्तिम ओभरको चौथो बलमा फजलहक फारुकी रनआउट भएपछि खेल सुपरओभरमा गयो ।
दक्षिण अफ्रिकाका लागि रायन रिकेलटन (६१) र क्विन्टन डे कक (५९) ले अर्धशतक प्रहार गरे भने डेभिड मिलर २० रनमा अविजित रहे।
अफगानिस्तानका लागि अज्मतुल्लाह उमरजाईले तीन विकेट लिए भने रशिद खानले दुई विकेट र फजलहक फारुकीले एक विकेट लिए ।
