काठमाडौं । विवेकशील साझा पार्टीका संयोजक मिलन पाण्डेले नेपाली कांग्रेसका महामन्त्री विश्वप्रकाश शर्मासँग भेट गरेका छन् ।
नवनिर्वाचित महामन्त्री शर्मालाई भेटेर पाण्डेले बधाई तथा शुभकामना दिएका हुन् ।
संयोजक पाण्डे र बागमती प्रदेश संसदीय दलका नेता रमेश पौड्याल महामन्त्री शर्मालाई भेट्न पुगेका हुन् ।
भेटवार्तामा नेपालको लोकतान्त्रिक आन्दोलन, पार्टीहरूको आन्तरिक लोकतन्त्र, युवा नेतृत्व र संघीय लोकतान्त्रिक गणतन्त्रको संविधान सुदृढ गर्दै अगाडि बढ्ने विषयमा कुराकानी भएको बताइएको छ ।
विवेकशील साझाले पुष ६ गते पाण्डेलाई पार्टीको सदस्य समेत नरहने गरी निष्कासन गरेको थियो ।
विवेकशील साझाभित्र पार्टीले लिने विचारबारे अध्यक्ष रवीन्द्र मिश्र र संयोजक पाण्डेले फरक–फरक मत राख्दै आएका छन् ।
