यस वर्षको ओस्कर अवार्डका लागि मनोनयनको घोषणा गरिएपछि फिल्म जोकरले सर्वाधिक ११ विधामा मनोनय प्राप्त गरेको छ । जोकरले उत्कृष्ट फिल्म, उत्कृष्ट निर्देशक, उत्कृष्ट नायकका साथै अन्य आठ विधामा मनोनित भएको छ ।जोकरले गत हप्ता ब्रिटिश एकेडेमी फिल्म अवार्डस्मा पनि ११ श्रेणीमा मनोनयन पाएको थियो ।
तर एक्सटर्सको श्रेणीमा सिन्थिया एक्ली कलाकार हुन् जसले ब्रिटिश एकेडेमी अवार्डमा पनि मनोनयन पाएको छ । जोकरका साथै उत्कृष्ट फिल्मको श्रेणीमा द आयरिश म्यान, १९१७ र वान्स अपन अ टाइम इन हलिउडले पनि मनोनयन पाएको छ ।
उत्कृष्ट नायकका लागि जोकरका जोओकिन फिनिक्सबाहेक म्यारेज स्टोरीका एडम ड्राइभर, वन्स अपन अ टाइम इन हलिउडका लागि लियोनार्डो डी क्याप्रियो, पेन एण्ड ग्लोरीका लागि एन्टोनियो ब्यान्डेरसले मनोनयन पाएका छन् ।
