काठमाडौंः नेकपा एमालेका सबै पद परित्याग गरी पार्टी एकता राष्ट्रिय अभियानको संयोजक बनेका नेता वामदेव गौतमले नेकपा (माओवादी केन्द्र)का अध्यक्ष पुष्पकमल दाहाल "प्रचण्ड"को खुलेरै प्रशंसा गर्नु भएको छ ।
माओवादी केन्द्रको आठौँ महाधिवेशन उद्घाटन समारोहमा प्रचण्डले आलोचना नगरी संक्षिप्त र तर्कयुक्त विचार राखेको भन्दै गौतमले वक्तव्य जारी गर्नु भएको छ ।
वक्तव्यमा भनिएको छ, "उहाँको मन्तव्यमा एउटा पनि दुर्वचन थिएन । कतिपय पार्टीका नेता दुर्वचनबाट आफ्नो मन्तव्य सुरु गर्छन् र दुर्वचनबाटै मन्तव्य अन्त्य गर्छन् । उनको तुलनामा प्रचण्ड एकदमै सुसंस्कृत र भव्य देखिनुभयो ।"
