खोटाङ: खोटाङको केपिलासगढी गाउँपालिका–२ खार्ताम्छाको बालाबेसीमा एयर डाइनेस्टीको हेलिकोप्टर दुर्घटना भएको छ ।
काठमाडौंबाट खोटाङ गएको हेलिकोप्टर अवतरणका क्रममा दुर्घटनामा परेको हो।
काठमाडौंबाट शव बोकेर गाउँ पुगेको हेलिकोप्टर दुर्घटनामा परेको हो । उद्धारका लागि पुगेका स्थानीय र प्रहरीको भनाई अनुसार, उक्त दुर्घटनामा मानवीय क्षती भएको छैन ।
बारीको डिलमा अवतरण गर्नेक्रममा सन्तुलन गुमाएर हेलिकोप्टर दुर्घटना भएको स्थानीयको भनाई छ ।
पाइलट सबिन थापासहित ६ जना हेलिकोप्टरमा सवार रहेको प्रहरीले जनाएको छ । यद्यपी घटनाको विस्तृत विवरण आउन बाँकी छ ।
