जर्मन बुन्डेस लिगा फुटबलमा शनिबार राति भएको खेलमावायर्न म्युनिखले सहज जित निकालेको छ । वायर्नले वुल्फबर्गलाई २–० गोल अन्तरले पराजित गरेको हो । पहिलो हाफ गोलरहित बराबरीमा सकिएको खेलको ८५ औं मिनेटमा जोशुआ जिर्क्जीले गोल गर्दै वायर्नलाई अग्रता दिलाएका थिए ।
त्यसपछि खेलको ८९ सेर्गी गेन्ब्रीले गोल गर्दै वायर्नलाई २–० को जित दिलाएका हुन् । जितसंगै वायर्नले १७ खेलमा ३३ अंक जोडेको छ । वायर्न लिगको तेस्रो स्थानमा रहेको छ । वुल्फबर्ग १७ खेलमा २४ अंक जोडेर नवौं स्थानमा रहेको छ ।
