एजेन्सी । इंग्लिस प्रिमियर लिग फुटबल अन्तर्गत म्यान्चेस्टर युनाइटेडले जित निकालेको छ ।
शनिबार राति भएको खेलमा युनाइटेडले टोटेनहमलाई ३-२ गोलले पराजित गरेको हो । युनाइटेडलाई जित दिलाउन क्रिस्टियानो रोनाल्डोले ह्याट्रिक गरे ।
घरेलु मैदान वल्र्ड ट्राफोर्डमा रोनाल्डोले १२, ३८ र ८१ औं मिनेटमा गोल गर्दै ह्याट्रिक गरेका हुन् । यता टोटेनहमका लागि खेलको ३५ औं मिनेटमा ह्यारी केनले पेनाल्टीमार्फत गोल गर्दा एक गोल भने युनाइटेडका ह्यारी म्यागुएरले आम्मघाती गोल गरेका थिए ।
जितसँगै युनाइटेड अंकतालिकाको चौंथो स्थानमा उक्लिएको छ । उसको २९ खेलबाट ५० अंक छ । यता, पराजित टोटेनहम २७ खेलबाट ४५ अंकसहित सातौं स्थानमा रहेको छ ।
यस्तै शनिबार राति नै भएको अर्को खेलमा लिभरपुलले ब्राइटनलाई २-० गोलले पराजित गर्यो । लिभरपुललाई जित दिलाउन लुइस डियाज र मोहमद सलाहले एक एक गोल गरे ।
खेलको १९ औं मिनेटमा डियाजले गोल गर्दै लिभरपुललाई सुरुवाती अग्रता दिलाए । यस्तै, खेलको ६१ औं मिनेटमा सलाहले पेनाल्टीमार्फत गोल गर्दै लिभरपुललाई २९० को जित दिलाए ।
जितसँगै २८ खेलबाट ६६ अंकसहित लिभरपुल तालिकाको दोस्रो स्थानमा रहेको छ । पराजित ब्राइटन समान खेलबाट ३३ अंकसहित १३ औं स्थान रहेको छ ।
