काठमाडौं । नेपाली कांग्रेसका सभापति गगन थापाले राजीनामा दिएका छन् ।
गत फागुन २१ गते भएको प्रतिनिधिसभा निर्वाचनमा पार्टीले अपेक्षाकृत परिणाम हासिल गर्न नसकेपछि थापाले सभापति पदबाट राजीनामा दिएका हुन् । थापाले दिएको राजीनामाबारे शुक्रबार बस्ने केन्द्रीय कार्यसमितिको बैठकले निर्णय गर्ने जनाईएको छ ।
थापा आफै पनि सर्लाही-४ बाट रास्वपाका डा अमरेशकुमार सिंहसँग पराजित भएका थिए । कांग्रेसले प्रत्यक्षमा १८ र समानुपातिकमा २० गरी ३८ सिट मात्रै प्राप्त गरेको छ ।
निर्वाचनमा पराजित भएसँगै एक पक्षले थापाले राजीनामा दिनुपर्ने माग गरिरहेका थिए । उनले पार्टीका उपसभापति विश्वप्रकाश शर्मालाइ राजीनामा बुझाएको बताइएको छ ।
थापा निर्वाचनअघि भएको विशेष महाधिवेशनबाट सर्वसम्मत सभापति निर्वाचित भएका थिए ।
