काठमाडाैँ । संघीय संसदअन्तर्गत प्रतिनिधि सभा र राष्ट्रिय सभाको बैठक प्रारम्भ हुनुअघि नेपाली कांग्रेसबाट निर्वाचित दुवै सदनका सांसदहरूको संयुक्त बैठक सुरु भएको छ।
नेपाली कांग्रेस संसदीय दलको कार्यालयमा जारी उक्त बैठकमा प्रतिनिधि सभा र राष्ट्रिय सभाका सदस्यहरू सहभागी भएका छन्। संसद बैठकअघि पार्टीको धारणा एकरूप बनाउन, समसामयिक राजनीतिक विषयमा छलफल गर्न तथा संसदमा प्रस्तुत हुने एजेन्डाबारे रणनीति तय गर्न बैठक आयोजना गरिएको बताइएको छ।
बैठकमा सरकारको कार्यसम्पादन, संसदमा उठ्ने प्रमुख विषयवस्तु, साथै पार्टीको भावी रणनीतिबारे समेत छलफल भइरहेको स्रोतले जनाएको छ।
