पाँचथर । नेपाली कांग्रेसका वरिष्ठ नेता रामचन्द्र पौडेलले नेपालीहरुको पहिचान, भाषा र संस्कृतिमाथि सरकारले एकपछि अर्को गर्दै प्रहार सुरु गरेको बताएका छन् । फाल्गुनन्दमा आयोजित एक चुनावी सभालाई सम्बोधन गर्न नवमीडाँडा पुगेका नेता पौडेलले कम्युनिस्ट भाषा, लिपी, साहित्य र संस्कृतिलाई समाप्त पार्न लागि गरेको बताएका हुन् ।
कार्यक्रमलाई सम्बोधन गर्दै पौडेलले नेकपाले साहित्य र संस्कृतिमाथि प्रहार भएको र चुनावबाट चुनिएका सबै मान्छे लोकतन्त्रवादी नभएको उल्लेख गरे । प्रधानमन्त्री केपी ओली लोकतन्त्र मासेर तानाशाही बन्न खोजेको पौडेलको आरोप थियो ।
सरकारी कर्मचारीलाई नेकपाले आफ्ना गोठालाजस्तो बनाएको पौडेलले आरोप लगाएका छन् ।
