कप्तान ग्रानिट जाकालाई इन्ग्लिश क्लब आर्सनलले कप्तानबाट हटाएको छ । पछिल्लो समय निकै आलोचित बनेपछि जाकालाई आर्सनलले कप्तानबाट हटाएको हो । जाकालाई मुख्य प्रशिक्षक युनाई इम्रीले कप्तानी पदबाट मुक्त गरिएको जनाएका छन् ।
आफुले जाकासँग भेट गरेर कप्तानमा नरहेको र जाकाले सो निर्णयलाई स्वीकार गरेको इम्रीले बताएका छन् । इम्रीले आर्सनलको कप्तानी पिएरे एम्रिक औबामियाङलाई दिएका छन् । प्रिमियर लिग अन्तर्गत आइतबार क्रिष्टल प्यालेसविरुद्धको खेलमा समर्थकविरुद्ध खराब व्यवहार देखाएका कारण जाका आलोचित बनेका थिए ।
उक्त खेलमा आर्सनल २–२ गोलको बराबरीमा रोकिएको थियो । चौतर्फी आलोचना भएपछि मिडफिल्डर जाकाले माफी मागिसकेका छन् ।
