इटालियन सिरी ‘ए’ फुटबलमा इन्टर मिलान र रोमाले जित निकालेका छन् । शनिबार राति भएको खेलमा बोलोग्नालाई इन्टरले २–१ गोल अन्तरले पराजित गर्यो । इन्टरको जितमा रोमेरो लुकाकुले दुई गोल गरेका थिए । बोलोग्नाका रोबर्टो सोरियानोले एक गोल फर्काए । जितसँगै लिगको दोस्रो स्थानमा रहेको इन्टरले ११ खेलबाट २८ अंक जोडेको छ ।
१२ अंक जोडेको बोलोग्ना लिगको १२ औं स्थानमा छ । यस्तै रोमाले नापोलीलाई २–१ गोल अन्तरले पराजित गर्यो । घरेलु मैदानमा रोमालाई जित दिलाउन निकोलो जानिलो र जोर्डन भेरेटोउटले एक एक गोल गरेका हुन् ।
नापोलीका एरिक मिलिकले एक गोल फर्काएका थिए । जितसँगै रोमा २२ अंक जोडेर तेस्रो स्थानमा उक्लिएको छ । १८ अंक जोडेर नापोली छैटौं स्थानमा छ ।
