काठमाडौँ । सीमा विवादसम्बन्धी विषयलाई लिएर संघीय संसद्मा व्यक्त गरिएको अभिव्यक्तिप्रति आपत्ति जनाउँदै नेपाल विद्यार्थी सङ्घले प्रधानमन्त्री बालेन्द्र शाहको राजीनामा माग गरेको छ।
काठमाडौँको त्रिचन्द्र क्याम्पस परिसरमा भेला भएका नेविसंघ आबद्ध विद्यार्थीहरूले प्रधानमन्त्री शाहविरुद्ध नाराबाजी गर्दै विरोध प्रदर्शन गरेका हुन्।
प्रदर्शनकारीहरूले संसद्मा सीमा विवादबारे गरिएको भनिएको अभिव्यक्ति राष्ट्रहितविपरीत रहेको दाबी गर्दै तत्काल राजीनामाको माग गरेका छन्। उनीहरूले क्याम्पस परिसरमा केही समय प्रदर्शन जारी राख्दै सरकारको धारणा स्पष्ट गर्न पनि आग्रह गरेका छन्।
