काठमाडौं । विश्व फुटबल वरियतामा नेपाल ६ स्थान तल झरेको छ। वरियतामा नेपाल १ सय ६७ औँ स्थानमा झरेको हो।
विश्वकप छनोटका खेलमा अस्ट्रेलियासँग ५–० ले जोर्डनसँग ३–० ले हारेपछि नेपालको वरियता खस्किएको हो।
नेपाल दक्षिण एसियाली देशमा तेस्रो स्थानमा छ । दक्षिण एसियाको शीर्षमा रहेको भारत २ स्थान तल झरेर १ सय ६ औँ स्थानमा पुगेको छ । दोस्रो स्थानको माल्दिभ्स १ स्थान झर्दै १ सय ५४ औं स्थानमा छ ।
विश्व वरियतामा बेल्जियम शीर्ष स्थानमा रहेको छ। शीर्ष चारसम्म कुनै फेरबदल भएको छैन। छैठौँ स्थानमा रहेको उरुग्वे पाँचौँ स्थानमा र पाँचौँमा रहेको पोर्चुगल छैठौँ स्थानमा पुगेका छन्।
