काठमाडौं । नेपाली राष्ट्रिय फुटसल टोली इरान पुगेको छ। एएफसी कप फुटसल च्याम्पियनसिप छनोट खेल खेल्न नेपाली फुटबल टोली इरान पुगेको हो ।
पूर्वराष्ट्रिय फुटसल खेलाडी विजय गुरुङको कप्तानीमा रहेको १४ सदस्यीय टोली त्रिभुवन अन्तर्राष्ट्रिय विमानस्थलबाट आइतबार बिहान ९:३० बजे कतार एयरवेजबाट उडेके नेपाली टोली देहा हुँदै इरानको इमाम खोमेइनी एयरपोर्ट मध्यरात १२:४५ मा अवतरणपछि ११ घण्टा सडकमार्ग हुँदै सोमबार दिउँसो १:३० बजे इरानको उर्मिया पुगेको हो।
प्रतियोगिताको दुई दिनअघि नै इरान आइपुगेको नेपाली टोलीले इरानमा सेन्ट्रल तथा दक्षिण एसियाली छनोटका खेल खेलाइने भेन्युमा दुई दिन प्रशिक्षण लिनेछ। एएफसीको नियम र इन्डोर खेल भएकाले टोली दुई दिनअघि नै इरान आइपुगेको प्रशिक्षक विष्णु गुरुङले जानकारी दिए। लामो समय नेपाली फुटसलको अनुभव बटुलेका र युवा खेलाडीसमेत टोलीमा रहेकाले नतिजामा सुधार आउनेमा विश्वस्त रहेको प्रशिक्षक गुरुङको भनाइ छ। समूह ए मा रहेको नेपालले अक्टोबर २३ मा ताजकिस्तानसँग खेल्दै प्रतियोगिताको सरुवात गर्ने छ।
