काठमाडौं । प्रधानमन्त्री बालेन्द्र (बालेन) शाहले संवैधानिक परिषद्को बैठक आह्वान गरेका छन्। बैठक आज साँझ ५ बजे प्रधानमन्त्री तथा मन्त्रिपरिषद्को कार्यालय, सिंहदरबारमा बस्ने तय भएको छ।
प्रमुख विपक्षी दलका नेता भीष्मराज आङ्देम्बेका अनुसार परिषद्का सदस्यहरूलाई बैठकबारे जानकारी दिइसकिएको छ। बैठकको मुख्य एजेन्डा विभिन्न संवैधानिक निकायमा लामो समयदेखि रिक्त रहेका पदमा नियुक्तिका लागि सिफारिस गर्ने रहनेछ।
हाल निर्वाचन आयोगमा अध्यक्षसहित दुई पद रिक्त छन्। त्यस्तै, राष्ट्रिय मानवअधिकार आयोगमा एक सदस्य, मुस्लिम आयोगमा अध्यक्षसहित दुई पद, राष्ट्रिय समावेशी आयोगमा अध्यक्षसहित दुई पद तथा अख्तियार दुरुपयोग अनुसन्धान आयोगमा एक आयुक्तको पद रिक्त रहेको छ।
यी संवैधानिक निकायमा लामो समयदेखि पदपूर्ति हुन नसक्दा संस्थागत कामकारबाही र निर्णय प्रक्रियामा समेत प्रभाव परेको भन्दै आलोचना हुँदै आएको छ। यस्तो अवस्थामा बस्न लागेको परिषद्को बैठकबाट रिक्त पदमा नियुक्ति प्रक्रिया अघि बढाउने सम्बन्धमा आवश्यक निर्णय हुने अपेक्षा गरिएको छ।
