काठमाडौं । इन्ग्लिश प्रिमियर लिग फुटबलमा आज (सोमबार) राति दुई ठुला क्लब म्यानचेस्टर युनाइटेड र आर्सनलबीच प्रतिस्पर्धा हुँदैछ । युनाइटेड र आर्सनलबीचको खेल युनाइटेडको घरेलु मैदान ओल्ड ट्राफोर्डमा हुनेछ । खेल नेपाली समय अनुसार राति १२ः४५ मा सुरु हुनेछ ।
यस सिजन मध्यम प्रदर्शन गरिरहेको दुवै टिम जित निकाल्दै अंक तालिका सुधार गर्ने योजनामा रहेका छन् । घरेलु मैदानमा युनाइटेड तेस्रो जितको खोजीमा रहनेछ । र, युनाइटेड शीर्ष पाँचमा पुग्न चाहन्छ । युनाइटेड लिगको ११ औं स्थानमा ६ र खेलबाट मात्र ८ अंक जोडेको छ ।
तर, युनाइटेडलाई आर्सनलले कडा चुनौती रहनेछ । आर्सनल युनाइटेडलाई स्तब्ध बनाउँदै शीर्ष तीनमा पुग्न दाउमा छ । आठौं स्थानको आर्सनलको ६ खेलमा ११ अंक रहेको छ ।
