काठमाडौं । भक्तपुरमा पेस्तोलसहित ४१ वर्षीय शम्भुप्रसाद साह कानु पक्राउ परेका छन् । बाराको फेटा गाउँपालिका–२ घर भइ वडानम्बर ३ मा बस्ने उनलाई प्रहरीले सूर्यविनायक –९ भातेढिकुरबाट पक्राउ गरेको हो ।
उनको साथबाट गोली लोड गरिएको एक थान कटुवा पेस्तोल र सोही पेस्तोलमा लाग्ने थप ५ राउण्ड गोली बरामद गरिएको महानगरीय प्रहरी परिसर भक्तपुरले जानकारी दिएको छ । सडकमा शंकास्पद रुपमा हिँडिरहेको भन्ने सूचनाका आधारमा महानगरीय प्रहरी वृत्त जगाती भक्तपुरबाट खटिएको प्रहरी टोलीले कानुलाई पक्राउ गरेको हो ।
पक्राउ परेका कानुलाई हातहतियार तथा खरखजना सम्बन्धी मुद्दामा म्याद थप गरी अनुसन्ध गरिरहेको प्रहरीले जनाएको छ ।
