काठमाडौं । श्रीलंकामा जारी एसीसी यू–१९ एसिया कप क्रिकेटको अन्तिम खेलमा पाकिस्तानले जित हासिल गर्दै यात्रा टुंग्याएको छ ।
सोमबार समूह ‘ए’ को आफ्नो अन्तिम खेलमा कुवेतलाई पाकिस्तानले १६३ रनले पराजित गर्यो । ३३६ रनको विशाल लक्ष्य पछ्याउँदै ब्याटिङ गरेको कुवेतले ४३.४ ओभरमा सबै विकेटको क्षतिमा १७२ रन मात्रै बनाउन सक्यो । कुवेतका लागि अब्दुल सदिकले ६० र गोविन्द कुमारले ४५ रन बनाए ।
बलिङतर्फ पाकिस्तान क्वासिम अक्रमले चार विकेट लिदा मोहम्मद वासिमले तीन र अबु हुरइराले दुई विकेट लिए ।
टस जितेर पहिले ब्याटिङ गरेको पाकिस्तानले निर्धारित ५० ओभरमा ९ विकेटको क्षतिमा ३३५ रन बनाएको थियो । पाकिस्तानका लागि इर्फान खानले ६३, मोहम्मद वासिमले अविजित ५५ रन बनाए ।
वासिमले आक्रमक ब्याटिङ गर्दै मात्र २० बलमा ६ छक्का र दुई चौका प्रहार गर्दै ५५ रन बनाए । जारी प्रतियोगितामा उनी सबैभन्दा छिटो अर्धशतक बनाउने खेलाडी पनि बने । त्यस्तै, हरिस खानले ५३ रन बनाए ।
