काठमाडौं। भारतको जयनगरदेखि जनकपुरको कुर्थासम्म रेल सञ्चालनका लागि तीव्ररूपमा काम भइरहेको रेल विभागले जनाएको छ।
विभागले तिहारपछि रेल सञ्चालन गर्ने लक्ष्यका साथ काम गर्दै छ, यसका लागि रेल मार्गको निर्माण अन्तिम चरणमा पुगेको छ भने दुईवटा रेल–गाडी निर्माणको काम भइरहेको छ।
विभागका सिनियर डिभिजनल इन्जिनियर (सीडीई) अमन चित्रकारका अनुसार खरिद आदेश भइसकेको छ, सोहीअनुसार आपूर्तिकर्ताले उत्पादन गर्दै छ।लिक निर्माणको अन्तिम चरणमा पुगेको इनरुवा खण्ड आसपासमा कमला नदीको तटबन्द भत्केर क्षति पुगेका कारण दोहोरो काम गर्नुपरे पनि निर्धारित समयमा काम सक्न विभाग लागिरहेको बताइएको छ।
भारत सरकारको आर्थिक र प्राविधिक सहयोगमा निर्माण भइरहेको रेल मार्गमा रेल सञ्चालन गर्न रेल गाडी खरिद भने नेपालले गर्नुपर्ने सम्झौतामा उल्लेख छ।त्यसैअनुसार नेपाल सरकारले दुई रेल गाडी खरिद गर्ने निर्णय गरेसँगै विभागले यसअघि नै रेल खरिदको प्रक्रिया अघि बढाइसकेको हो।
विभागले डिजेलमार्फत चल्ने रेल गाडी सञ्चालनमा ल्याउने तयारी गरेको छ। छोटो र मध्यम दूरीका लागि उत्तम मानिने डेमु ९डिजेल इलेक्ट्रिफाई मल्टिपल युनिट० रेल गाडी विभागको रोजाइमा छ। ‘विभागले रेल खरिद प्रक्रिया सकाएको अवस्था छ।
अहिले उक्त रेल उत्पादन गर्न शुरू गरिसकेको छ भने चाँडै नेपाल ल्याउने विश्वास लिएको छु।’ –चित्रकारले भन्नुभयो। सरकारकै लगानीमा रेल खरिद गर्न पुस २९ गते बसेको मन्त्रिपरिषद्ले विभागलाई सहमति दिएको थियो। रेल गाडी खरिदका लागि सरकारले करिब ८५ करोड रुपियाँ रकम विनियोजन गरिसकेको छ। पहिल्यै सञ्चालनमा रहेको जयनगर–जनकपुरमा चलेको न्यारो ग्रेजको रेलमार्गलाई जनकपुरको कुर्था ९३५ किमि०सम्म पुर्याई ब्रोड ग्रेजमा स्तरोन्नति गरिएको छ।
त्यस्तै सरकार आफैले रेल सञ्चालन गर्ने सोच राखे पनि अहिलेसम्म नेपालसँग रेल सञ्चालन गर्नसक्ने कुनै प्रकारको जनशक्ति छैन।विभागले रेल आफैले किने पनि सञ्चालनको जिम्मेवारीमा विदेशीलाई नियुक्त गरेर नेपाली पक्ष यसमा दक्ष नहुन्जेल सञ्चालन गर्न दिने सोच राखेको छ। यसो गर्दा नेपाली कामदारले दक्ष हुने अवसर पाउने सीडीई चित्रकारले जानकारी दिनुभयो।, समाचार नेपाल समाचारपत्र दैनिकमा प्रकाशित छ ।
