रेसलरबाट अभिनेता बनेका ड्वेन जॉनसन (रक) जो द रक भनेर चिनिन्छन, विश्वको सर्वाधिक कमाउने अभिनेता बनका छन् । फोर्ब्स २०१९ का अनुसार गत वर्ष दोस्रो स्थानमा रहेका ड्वेनले कमाईको सन्दर्भमा यस वर्ष जर्ज क्लूनीलाई हराउँदै पहिलो स्थानमा पर्न सफल भएका छन । यसै समयमा, बलिउड अभिनेता अक्षय कुमारको नाम यस सूचीमा चौथो नम्बरमा रेकर्ड गरिएको छ ।
भर्खरै जारी गरिएको फोर्ब्स म्यागजिन सूचीमा ड्वेन सबैभन्दा बढी तलब पाउने कलाकारहरूको शीर्ष सूचीमा परेका हुन् । जुमान्जी र फास्ट एण्ड फ्यूरियस जस्ता एक्शन मसाला फिल्महरूमा काम गरेपछि ड्वेन दर्शकहरूको बीचमा धेरै लोकप्रियता कमाएका हुन् । रिपोर्टका अनुसार ड्वेनेले जून २०१८देखि जून २०१९ सम्म गत एक वर्षमा ८९.४ मिलियन डलर कमाएका छन् ।
त्यस्तै, फोर्ब्सको सर्वाधिक भुक्तानी हुने कलाकारहरूको सूचीमा बलिउड अभिनेता अक्षय कुमार चौथो स्थानमा पर्न सफल भएका छन् । उनको कुल आय ६५ मिलियन डलर भनिएको छ । अक्षय पछि, अभिनेता ज्याकी चान पनि ५८ मिलियन डलरको साथ शीर्ष १० स्थानमा परेका छन् ।
१५ अगस्टमा रिलिज भएको अक्षय कुमारको मिसन मंगलले पनि राम्रो कमाई गरेको छ । साथै उनको केसरी चलचित्रले पनि बक्स अफिसमा सुपरहिट साबित भएको हो ।
