कैलाली । कैलालीको घोडाघोडी नगरपालिका–१ सुख्खडस्थित सडकमा मोटरसाइकल दुर्घटना हुँदा एकजनाको मृत्यु भएको छ । मृत्यु हुनेमा सोही नगरपालिका–४ का २६ वर्षीय अशोक चौधरी रहेका छन् ।
चौधरीको से७प १३४७ नम्बरको मोटरसाइकल बिहीबार बिहान दुर्घटना भएको हो । गम्भीर घाइते भएका उनको घोडाघोडी अस्पताल सुख्खडमा उपचारको क्रममा मृत्यु भएको प्रहरीले जानकारी दिएको छ ।
दुर्घटनामा घाइते भएका चालक घोडाघोडी नगरपालिका–४ कै ३० वर्षीय प्रेम चौधरीको सोही अस्पतालमा उपचार भइरहेको छ ।
