नायक सौगात मल्लको मुख्य भूमिका रहेको चलचित्र ‘माछा माछा’ले आफ्नो प्रदर्शन मिति तय गरेको छ । निर्माण पक्षका अनुसार यस चलचित्र कार्तिक २९ बाट प्रदर्शनमा आउने भएको छ ।
तीन जना गाउँले युवकहरुले शहरिया जीवन स्थापित गर्न लागि परेको संघर्षको कथामा निर्मित फिल्ममा सौगातसँगै विजय बराल र अनोज पाण्डेको समेत मुख्य भूमिका रहेको छ ।
सुनिल गुरुङको लेखन तथा निर्देशनमा तयार भएको यो चलचित्र कात्तिकको २९ गतेबाट रिलिज हुँदैछ । चलचित्रको प्रदर्शन मितिसँगै यसको फस्टलुक पनि रिलिज भएको छ । सार्वजनिक पोष्टरमा सौगात, बिजय , अनोजको समुह र अर्का कलाकार माओत्से गुरुङको समुह अलग–अलग देखिएको छ । चलचित्रमा नायिका नम्रता श्रेष्ठको पनि मुख्य भूमिका छ ।
सिनेमा आर्ट र नौमती इन्टरटेनमेन्टको व्यानरमा निर्मित फिल्ममा रामबाबु गुरुङ र दयाहाङ राईको लगानी छ । फिल्मको सहनिर्मातामा ओमचन्द्र रौनियार र अर्जुन कार्की छन् । फिल्ममा अनुपम शर्माको संगीत, निमेष श्रेष्ठको सम्पादन, शिवराम श्रेष्ठको छायाँकन र निर्देशक गुरुङको लेखन छ ।
