टीकापुर । इलाका प्रहरी कार्यालय टीकापुरले खैरो हिरोइनसहित दुईजनालाई पक्राउ गरेको छ । पक्राउ पर्नेमा जानकी गाउँपालिका ७ मोतिनगरका २० वर्षीय सुमन बुढाक्षेत्री र टीकापुर नगरपालिका–१ ब्लक नं. २९ का २० वर्षीय नविन भण्डारी रहेका छन् ।
उनिहरुलाई बुधबार कैलालीको टीकापुर नगरपालिका–७ सोनाहाफाँटाबाट पक्राउ गरिएको इलाका प्रहरी कार्यालय कापुरका प्रमुख डीएसपी मनोहरप्रसाद भट्टले बताए।
डीएसपी भट्टका अनुसार प्रहरीको गस्ती टोलीले उनीहरुलाई भारततर्फबाट से ४ प ९५९५ नम्बरको मोटरसाइकलमा लागुऔषध ल्याइरहेको अवस्थामा पक्राउ गरेको हो। उनिहरुको साथबाट २ ग्राम ९ सय मिलिग्राम खैरो हिरोइन बरामद गरिएको उनले जानकारी दिए ।
