ईदको अवसरमा रिलिज भएको सलमान खान अभिनित सिनेमा ‘भारत’ रिलिजको दिनमा सर्वाधिक व्यापार गर्ने सलमानको पहिलो सिनेमा बनेको छ। सिनेमाले रिलिजको पहिलो दिननै सलमानका यस अघिका सिनेमाको व्यापारलाई पछाडि पारेको छ।
सिनेमाले रिलिजको दिन ४२.३० करोड भारूको कमाइ गरेको छ । यसअगाडि सलमान खान नै अभिनित सिनेमा ‘प्रेमरतन धन पायो’ ले रिलिजको दिन ४०.३५ करोड भारू कमाएको थियो।
अलि अव्बास जफर निर्देशित भारतले वक्सअफिसमा दुई दिनमा कुल ७३.३० करोड कमाएको छ । सिनेमा विश्वभरका ७० देशका १३ सय पर्दामा रिलिज भएको थियो।
सिनेमाले दोश्रो दिन ३१ करोड भारू कमाइ गरेको छ। यो कमाइ भारतको घरेलु वक्सअफिसको हो।
सिनेमाले आइतबारसम्म डेढ सय करोड बढि निकटको व्यापार गर्ने अनुमान गरिएको छ।
फिल्ममा सलमान खानका अलावा, क्याटरीना कैफ, दिशा पटानी, सुनील ग्रोबर लगायतका कलाकारको शीर्ष भूमिका रहेको छ । यो फिल्मले भारत र पाकिस्तानको सम्बन्धलाई देखाएको छ ।
