बलिउड नायिका सन्नी लियोनी आजबाट ३८ वर्षमा प्रवेश गरेकी छिन् । एडल्ट चलचित्रमा काम गरेर चर्चामा आएकी सन्नीले बलिउड चलचित्रमा पनि राम्रो स्थान बनाएकी छिन् ।
यसरी भयो उनको यात्रा तय
सन्नीको नाम उनका मातापिताले करनजित कौर राखेका थिए । सन्नी लियोनी सामान्य परिवारमा जन्मिएकी थिइन् । सन्नीका बुबा पन्जाबी थिए । आमा भने हिमाञ्चल प्रदेश रिमौरीकी थिइन् । सन्नी १३ वर्षको हुदाँ उनको परिवार अमेरिका बसाई सरेको थियो । जब सन्नी १९ वर्षकी थिइन्, त्यो समय उनले जागिर सुरु गरेकी थिइन् । ‘सन्नी लियोनी’ भनेर उनका भाइले नामाकरण गरेका थिए । हाल उनी अमेरिकामा कुकको काम गरिरहेका छन् ।
सन्नीले सन् २०१३ मा पेन्टाहाउसमा ‘पेट अफ द इयर’ को उपाधि जितेपछि अमेकिरामा उनको फ्यान फलोइङ ह्वात्तै बढेको थियो । फ्यानहरु उनको अटोग्राफ लिन र तस्वीर संकलन गर्न आतुर थिए । तर धेरैको पहुँच थिएन । यस्तोमा सन्दिपले आफ्नी दिदीको अर्धनग्न र नग्न फोटोमा अटोग्राफ लिएर साथीभाईहरुमार्फत बजारमा बेच्ने गरेका थिए । उनी एउटा फोटोबाट ४०–५० डलरसम्म कमाउँथे ।
सन्नीले पहिलो पटक न्यूड फोटोसेसन गराउँदा सन्दिप त्यहाँ उपस्थित थिए । दिदीको यस कार्यमा उनले कुनै आपत्ति जनाएनन् बरु साथ दिए । पेन्टहाउस म्यागजीनका लागि सो फोटोसेसन भएको थियो ।
त्यतिबेला सन्नीको नाम करणजित नै थियो । निर्देशकले फोटोअनुसार नाम नसुहाएको भन्दै बदल्न सुझाव दिए । र, सन्दिपले नै सन्नी लियोनी नाम सुझाए । एक प्रख्यात इटालियन निर्देशक सर्जियो लियोनीको थर उनले दिदीका लागि प्रयोग गरेका थिए । यो नाम सन्नीलाई निकै फाप्यो र उनी पोर्न इन्डष्ट्रीमा चर्चित बनिन् ।
बलिउड यात्रा
जास्मिन–२’ बाट बलिउडमा आएकी बलिउड अभिनेत्री सन्नी लियोनले ‘ज्याकपट’, ‘रजनी एसएमएस’, ‘तेरा इन्तजार’ आदिबाट फ्यानको मन जितेकी छिन् । अहिले विभिन्न ब्राण्डको विज्ञापनमा पनि उनको उपस्थिती बाक्लो छ । अझ कुनै समय चलचित्रको आइटम गीतमा त सन्नी पहिलो रोजाई बन्ने गर्थिन् ।
