काठमाडौं । संघीय समाजवादी फोरम नेपाल र नयाँ शक्ति पार्टी नेपालबीच एकीकरण गर्ने सहमति भएको छ ।
फोरम नेपालका अध्यक्ष उपेन्द्र यादव र नयाँ शक्तिका संयोजक बाबुराम भट्टराईले शनिबार पार्टी एकीकरणको सहमतिपत्रमा हस्ताक्षर गरेका छन् ।
एकीकरणपछि पार्टीको नाम समाजवादी पार्टी राख्ने सहमति भएको छ । पार्टीको कार्यकारी अध्यक्ष उपेन्द्र यादव र भट्टराई संघीय परिषद् अध्यक्ष हुनेछन् ।
यस्तै तीनसय सदस्सीय जम्बो केन्द्रीय कार्यसमिति र पदाधिकारी संख्या २५ सदस्सीय हुनेछ भने एकीकरणको घोषणा सोमबार गरिने खबर कान्तिपुर दैनिकमा छापिएको छ ।
