काठमाडौँ । नेपाली कांग्रेसका युवानेता तथा नेविसंघका निवर्तमान अध्यक्ष नैनसिंह महरले सरकार पुरै माफियातन्त्र र कमीशनतन्त्रबाट संञ्चालित भएको आरोप लगाएका छन् । उनले हिजो गरिएको पेट्रोलियम पदार्थको मूल्य बृद्धि गरिएको बताए ।
राजधानीमा आयोजित एक कार्यक्रममा अध्यक्ष नैनसिंह महरले सरकारी जग्गा बेचेर नपुगेको सरकारले फेरि जनताको ढाड सेकनेगरी पेट्रोलियम पदार्थको मूल्य बृद्धि गरेको बताए ।
‘बाइडबडी, ३३ किलो सुन ,बालुवाटार जग्गा बेचेर पनि प्रधानमन्त्री र मन्त्रीहरुलाई पैसा पुगेन ?’ उनले भने ‘अब फेरि पेट्रोलियम पर्दार्थको मुल्य बढाएछन् ।’
निगमको अहिले पाक्षिक नाफा ७ करोड भन्दा बढी रहेको बताए । उनले यस्तो बेला मुल्य घटाउन छोडेर झन किन बढाएको बताए । उनले मूल्य नघटाए आन्दोलनमा जाने चेतवानी समेत दिए ।
