काठमाडौं । राजधानीको मैजुबहालमा पिपलको रुखमा झुण्डिएको अवस्थामा एक जनाको शव फेला परेको छ ।
प्रहरी वृत गौशालाका प्रमुख डिएसपी सुनिल मल्लका अनुसार खोटाङ घर भई हाल काठमाडौंको बौद्ध बस्दै आएका ४० वर्षका आङदेवा शेर्पा महानगरपालिका ७ मैजुबहाल चोकबाट पश्चिमपट्टि पिपलको रुखको हाँगोमा झुण्डिएको अवस्थामा फेला परेका हुन् ।
अनुसन्धानको प्रारम्भिक प्रक्रिया पूरा गरेर शवलाई पोष्टपार्टमका लागि त्रिवि शिक्षण अस्पताल महाराजगञ्ज पठाइएको र हत्या हो कि आत्महत्या हो भन्ने कुरा पोष्टमार्टम रिपोर्ट आएपछि मात्रै थाहा हुने प्रहरीले बताएको छ ।
