भखरै रिलिज भएको बलिउड चलचित्र ‘केशरी’ले वक्स अफिसमा पाँच दिनमा करिब ८८ करोड भारू कमाइ गरेको छ।
भारतीय संचार माध्यमका अनुसार रिलिजको पहिलो दिन बिहिबार २१ करोड भारू कमाइ गरेको थियो ।
अभिनेता अक्षय कुमार अभिनित यो फिल्मले शुक्रबार १७ करोड कमाउँदा शनिबार भने २० करोड कमाएको थियो ।
यस्तै सिनेमाले आइतबार २२ करोड भारू कमायो। वक्सअफिसमा सिनेमाको कमाइ अझै उत्साहजनक छ। सिनेमाले सय करोडको आँकडा सजिलै पार गर्ने बताइएको छ।
सिनेमाले सोमबार ८ करोड बढिको कमाइ गरेको छ। सिनेमामा अक्षय कुमार तथा परिणिति चोपडा मुख्य भूमिकामा रहेका छन्।
सिनेमा संसारभरका कुल ४२०० पर्दामा रिलिज भएको छ। करण जोहरले निर्माण गरेको यस सिनेमाका निर्देशक अनुराग सिंह हुन्।
