काठमाडौँ । क्रिकेट खेलाडी संघ सिप्यानको आयोजना गरेको एनसीसीएस सीप्यान क्रिकेट अवार्ड २०१९ को ‘मोमेन्ट अफ इयर’ तर्फको अवार्ड करण केसीले जितेका छन् । आईसीसी विश्व क्रिकेट लिग डिभिजन टू को फाइनल प्रवेशका लागि क्यानडासँग १४ फेब्रुअरी २०१८ मा निर्णायक खेलेको खेलको आधारमा बिजेता बनेका हुन् ।
उनले उक्त खेलमा नेपालले ४२.१ ओभरमा १४४ रन बनाउँदा ९ विकेट गुमाइसकेको स्थितिमा सन्दीप लामिछानेसँग कीर्तिमानी साझेदारी गर्दै अन्तिम बलमा नेपाललाई जित दिलाए ।
उनले ३१ बलमा ३ चौका र ४ छक्काकोसहित ४१ रनको अविस्मरणीय इनिङ खेलेका थिए ।
उक्त जितको मद्दतले नेपाल डिभिजन टूको फाइनल र विश्वकप छनोटमा पुगेको थियो ।
