रुकुम । आईतबार दिउँसो रुकुमबाट काठमाडौँ जादै गरेको बस दुर्घटनामा परेको छ। दुर्घटनामा परी ८ जना घाइते भएका छन् ।
पूर्वी रुकुमको अस्थाई सदरमुकाम रुकुमकोटबाट काठमाडौं जादै गरेको ना ५ ख ५३८५ नम्वरको बस पश्चिम रुकुममा दुर्घटना भएको हो ।
प्रहरीका अनुसार सिस्ने ५ रुकुम पूर्वकी ५० वर्षिया ईश्वरकुमारी बोहराको अवस्था चिन्ताजनक रहेको छ भने उक्त बसमा ३० जना यात्रु सवार रहेका थिए । बस दुर्घटनाको मुख्य कारण ब्रेक फेल भएको खुल्न आएको छ ।
