काठमाडौँ । युरोपियन च्याम्पियन्स लिग फुटबल अन्तर्गत अन्तिम १६ को पहिलो लेगमा बायर्न म्युनिखसँग लिभरपुल गोलरहित बराबरीमा रोकिएको छ ।
मंगलबार राति लिभरपुलको घरेलु मैदानमा भएको खेलमा बराबरी खेलेका हो । प्रतिस्पर्धात्मक खेलको पहिलो हाफमा तुलनात्मक रूपमा बलियो देखिएको लिभरपुलले राम्रा मौका गुमाएको थियो ।
साडियो माने ३४औं मिनेटमा पोस्ट नजिक चुकेका थिए । मोहमद सालाहले पनि अर्को उत्कृष्ट अवसर गुमाएका थिए । दोस्रो हाफमा केही शसक्त देखिएको बायर्नले घरेलु टोलीलाई दबाब दिएपनि गोल गर्न सकेन ।
खेलमा लिभरपुलले ४९ प्रतिशत बल नियन्त्रणमा लियो । बार्यनले ५१ प्रतिशत बल नियन्त्रणमा राखेको थियो । लिभरपुलले १५ वटा पोस्ट प्रहार गरेको थियो । बायर्नले ९ वटा पोस्ट प्रहार गरेको थियो ।
अब दुई टोलीबीचको दोस्रो लेग बायर्नको मैदानमा आगामी मार्च १३ तारिख हुनेछ ।
