काठमाडौँ । एफए कप फुटलब अन्र्तगत म्यान्चेस्टर सिटी न्युपोर्ट कन्ट्रीलाई ४–१ गोल अन्तरले पराजित गर्दै क्वाटरफाइनलमा प्रवेश गरेको छ ।
शनिबार राति भएको खेलमा सिटीको लागि फिल फोडिनले दुई, लिरो साने र रियाद महरेजले समान १–१ गोल गरे । न्युपोर्ट कन्ट्रीकालागि प्याड्रिग एमोन्डले एक गोल फर्काए ।
पहिलो हाफसम्म गोलरहित बराबरी खेलेको सिटिले दोस्रो हाफमा उत्कृष्ट प्रदर्शन गर्दै चार गोेल गर्दा न्युपोर्टले एक गोल मात्रै गर्न सफल भयो ।
५१ औ मिनेटमा सानेले गोल गर्दै सिटीलाई अग्रता दिलाएका थिए । फोडिनले ७५ औ मिनेटमा गोल गर्दै सिटीलाई २–० गोलको अग्रता दिलाए । एमोन्डले ८८ औं मिनेटमा गोल गर्दै न्युपोर्टलाई २–१ गोलको स्थितिमा ल्याएका थिए ।
तर सिटीका लागि फोडिनले ८९औं मिनेटमा र महरेजले खेलको अतिरिक्त समयमा गोल गर्दै ४–१ गोलको जित दिलाए ।
