एक खेल अघि नै च्याम्पियन्स लिग फुटबलको प्रिक्वाटरफाइनलमा प्रवेश गरिसकेको स्पेनकाे महारथी क्लब रियल म्याड्रिड समूह चरणको अन्तिम खेलमा पराजित भएकाे छ ।
आफ्नै घरेलु मैदानमा बुधबार राति भएको खेलमा रियल म्याड्रिड रूसी क्लब सीएसकेए मोस्कोभासँग ३–० गोलअन्तरले पराजित भयाे । मोस्कोभालाई जित दिलाउन फेडर चालोभ, जिओर्गी स्चेनिकोभ र एर्नोर सिगुर्डसनले गोल गरे ।
पहिलो हाफमा नै दुई गोलको अग्रता लिएको मोस्कोभाले दोस्रो हाफमा थप एक गोल गर्दै रियललाई ३–० गोल अन्तरले पराजित गरेकाे हो । खेलको ३७औं मिनेटमा चालोभले गोल गर्दै मोस्कोभालाई अग्रता दिलाएका थिए । खेलको ४३औं मिनेटमा स्चेनिकोभले गोल गर्दै दोब्बर अग्रता दिलाएका थिए । त्यस्तै, खेलको ७३औं मिनेटमा सिगुर्डसनले गोल गर्दै ३–० गोलको जित दिलाए ।
तर रियल म्याड्रिड पराजित भएपनि समूह जी को विजेता बन्दै अन्तिम १६ मा स्थान बनाएको छ । रियल म्याड्रिडले ६ खेलबाट १२ अंक बनाएको छ। जित हात पारेपनि मोस्कोभा समूह चरणबाटै बाहिरिएको छ ।
अन्य नतिजाहरू
म्यान्चेस्टर सिटी र हाेफेनहाइम (२ – १) – सिटी नकअाउट चरणमा प्रवेश
भ्यालेन्सिया र मान्चेस्टर युनाइटेड (२ – १) – युनाइटेड नकअाउट चरणमा प्रवेश
अायाक्स र बायर्न (३ – ३) – बायर्न र अायाक्स दुबै नकअाउट चरणमा प्रवेश
साख्तार र लियाेन (१ – १) – लियाेन नकअाउट चरणमा प्रवेश
याेङ ब्याइज र युभेन्टस (२ – १) – युभेन्टस नकअाउट चरणमा प्रवेश
