एडीलेड, २३ मंसिर । भारत र अस्ट्रेलियाबीचकाे एडिलेडमा भइरहेकाे पहिलाे टेस्ट क्रिकेटमा भारतले सुदृढ प्रदर्शन गरेकाे छ । भारतका लागि दाेस्राे इनिङमा चेतेश्वर पुजाराले फेरि ७१ रनकाे महत्वपूर्ण याेगदान गरेका छन् । चाैथाे दिनकाे भाेजन समयसम्म अजिन्के रहाणे अविजित ५७ रन बनाएर क्रिजमा छन् ।
भारतले समग्रमा चाैथाे दिनकाे भाेजन सत्रसम्म २७५ रनकाे अग्रता बनाइ सकेकाे छ । निकै सुस्त र ब्याटिङका लागि सहज नहुने एडिलेडमा भारतले टेस्ट जित्ने सम्भावना बढी देखिएकाे छ ।
टस जितेर पहिले ब्याटिङ गरेकाे भारतले २५० रनमा अलअाउट भएकाे थियाे । भारतका लागि चेतेश्वर पुजाराले सर्वाधिक १२३ रन बनाएका थिए । भारतीय अन्य ब्याट्सम्यानले खासै याेगदान गरेका थिएनन् ।
अस्ट्रेलियाले पहिलाे इनिङमा २३५ रन मात्र बनाउन सकेकाे थियाे ।
भारत र अस्ट्रेलियाबीच चारवटा टेस्ट खेल हुँदैछन् ।
खेल संक्षेप
भारत — २५० रन र २६०/५ (खेल जारी, २७५ रनकाे अग्रता)
अस्ट्रेलिया — २३५ (अलअाउट)
