मुम्बइः अमिताभ बच्चन परिवारका दिन सायद राम्राेसँग अाजभाेलि चलिरहेकाे छैन । म्यागीकाे प्रचारलाइ लिएर उल्झन बढेकै बेला बिग बी अमिताभ बच्चन र उनका छाेरा विरूद्ध ग़ाज़ियाबाद अदालतमा न्यायिक मजिस्ट्रेटमा राष्ट्रीय गौरवकाे अपमान सम्बन्धी एउटा मुद्दा दर्ता भएकाे छ ।
गाज़ियाबादकाे गैसस ‘मित्र’ सँग जाेडिएका चेतन धीमानले ग़ाज़ियाबाद अदालतमा यस्ताे उजूरी दर्ता गराएका हुन् । खासमा १५ फ़ेब्रुअरी २०१५ मा भएकाे क्रिकेट विश्वकप प्रतियाेगितामा पाकिस्तान विरूद्ध भारतकाे जितपछि अमिताभ र अभिषेकमाथि भारतीय झण्डा छातीमा बाँधेर रमाइलाे गरेकाे अाराेप छ ।
अाराेप लगाउने चेतन धीमानका वकील संजीव शर्माले एनडीटीभीसँग यस विषयमा जुलाइ १३ मा सुनुवाइ हुने जानकारी दिए । साथै, बच्चन परिवारकी बुहारी ऐश्वर्या राय बच्चनलाइ पनि कानुनी सूचना पठाइएकाे छ ।
ऐश्वर्याले पाकिस्तानकाे जेलमा मारिएका भारतीय नागरिक सरबजीतकी बहिनीकाे भूमिका निर्वाह गर्न लागेकी छिन् । सरबजीतकी खास बहिनी बताउने लुधियानाकी बलजिंदर कौरले ऐश्वर्या र निर्देशक उमंग विरूद्ध कानुनी सूचना दर्ता गराएकी हुन् ।
बलजिंदर कौरकाे भनाइमा दलबीर कौर सरबजीतकी साख्खै बहिनी हाेइनन् । यस विषयमा एउटा मुद्दा अदालतमा पहिल्यैदेखि विचाराधीन छ । त्यसकारण अदालतले कुनै स्पष्ट अादेश दिँदैन तबसम्म यस विषयमा कुनै फिल्म बन्नु ठीक हाेइन । (एनडीटिभीकाे सहयाेगमा)
