मुम्बई, १२ कात्तिकः भारतले वेस्ट इन्डिजलाइ चाैथाे एकदिवसीय खेलमा २२४ रनले पराजित गरेकाे छ ।
पहिले ब्याटिङ गरेकाे भारतले राेहित शर्माकाे व्यक्तिगत १६२ रन र अम्बाटी रायडूकाे १०० रनकाे मद्दतले ३७७ रनकाे विशाल स्काेर खडा गरेकाे थियाे ।
जवाफमा ३७८ रनकाे विशाल लक्ष पछ्याउने क्रममा १५३ रनमै समेटिएकाे थियाे ।
भारतका लागि खलिल माेहमद र कुलदीप यादवले ३, ३ विकेट लिएका थिए ।
यसअघि टस जितेको भारतले पहिले ब्याटिङ गर्ने निर्णय गरेको थियाे ।
पाँच खेलको यस शृङ्खलामा दुवै देशले एकएक खेल जितेका छन् । एउटा खेल बराबरीमा सकिएको थियो ।
आजको खेलमा भारतले दुई खेलाडी परिवर्तन गरेको थियाे । मध्यक्रमका ब्याट्सम्यान केदार जाधव र रविन्द्र जडेजा टिममा फर्किका छन् भने रिषभ पन्त र युजवेन्द्र चहललाई हटाइएको छ ।
टस जितेपछि प्रतिक्रिया दिँदै भारतीय कप्तान विराट कोहलीले मुम्बईको खेल मैदानमा बढी रन बन्ने भएकाले ब्याटिङलाई ध्यानमा राखिएको बताउनुभएकाे थियाे ।
वेस्ट इन्डिजले पनि एकजना खेलाडी परिवर्तन गरेको छ । यसअघिको खेलमा सहभागी भएका बलर ओवेद म्याककोएको स्थानमा कीमो पललाई मौका दिइएको कप्तान जेसन होल्डरले बताउनुभयो ।
