चलचित्र ‘श्री ५ अम्बरे’को आईटम गीत रिलिज गरिएको छ । ‘नाच्ने नचाउने सबैलाई मताउने’ बोलको गीतमा रिया श्रेष्ठले कामुक नृत्य गरेकी छिन् । शिव विकले नृत्य निर्देशन गरेको प्रस्तुत गीतमा बाबु बोगटीको संगीत तथा सरिता वली र रत्न सुब्वाको स्वर रहेको छ । केहि समय पहिले रिलिज गरिएको यो मनमा हमेशा बोलको गीत यतिबेला दर्शकको रुचाईमा पर्न सफल भएको छ ।
जिवनसाथी फिल्मस्को व्यानरमा निर्मित फिल्ममा सौगात मल्ल, केकी अधिकारी, बिक्रम सिंह, सिर्जना अधिकारी, दिवाज राई, मार्टिन खान, राज गोदाईली लगायतको अभिनय देख्न सकिन्छ । टि एन आचार्य र दिपक आचार्य निर्माता रहेको यो फिल्मको कथा अभिमन्यू निरवीले लेखेका हुन् । मंसिर ५ गते देशभर एकसाथ प्रदर्शनमा आउन लागेको यो चलचित्रलाई दीपा बस्नेतले निर्देशन गरेकी हुन् ।
