विराटनगर । प्रदेश १ का मुख्यमन्त्री भीम आचार्यले प्रदेश प्रमुखसमक्ष राजीनामा पत्र बुझाएका छन् ।
सोमबार दिउँसो बसेको प्रदेशसभा बैठकमा राजीनामा घोषणा गरेका आचार्यले प्रदेश प्रमुख सोमनाथ अधिकारी प्यासीलाई आजै राजीनामा पत्र बुझाएका हुन्।
आचार्य गत भदौ १० गते मुख्यमन्त्रीमा नियुक्त भएका थिए।
प्रदेश १ मा एमालेको एकल बहुमत भए पनि पार्टीमा विभाजन आएपछि आचार्यले ६८ दिनमै सरकार छाड्नु परेको हो ।
यसैबीच प्रदेश प्रमुख प्यासीले भोलि १ बजेसम्म मुख्यमन्त्रीमा दाबी गर्न आह्वान गरेका छन् ।
यता विपक्षी गठबन्धनले एकीकृत समाजवादीका राजेन्द्र राईलाई मुख्यमन्त्रीका रुपमा अघि सारेको छ ।
