काठमाडौं । आईसीसी टी–ट्वान्टी विश्वकप क्रिकेटमा आज (बुधबार) दुई खेलहरु हुँदैछन् ।
जसमध्ये पहिलो खेलमा इंग्ल्यान्ड र बंगलादेशले प्रतिस्पर्धा गर्दैछन् । आबुधाबीमा हुने इंग्ल्यान्ड र बंगलादेशबीचको खेल दिउँसो ३ः४५ बजे सुरु हुनेछ ।
यसअघिको पहिलो खेलमा वेस्ट इन्डिजलाई ६ विकेटले हराएको इंग्ल्यान्ड लगातार दोस्रो जित निकाल्ने योजनामा रहेको छ ।
समूह १ मा इंग्ल्यान्ड शीर्ष स्थानमा रहेको छ ।
यता बंगलादेश भने पहिलो जित निकाल्न चाहन्छ । पहिलो खेलमा बंगलादेश श्रीलंकासँग ५ विकेटले पराजित भएको थियो ।
यस्तै आजै नामिबिया र स्कटल्याण्डबीच पनि खेल हुँदैछ । आबुधाबीमा हुने यी दुई टिमबीचको खेल राति ७ः४५ बजे सुरु हुनेछ ।
