काठमाडौं । प्रधानन्यायाधीश चोलेन्द्रशम्शेर जबराले सोमबार फूलकोर्ट बोलाउने र मंगलबार गोलाप्रथाबाट पेशी तोक्ने जानकारी दिनुभएको छ ।
नेपाल बार एशोसिएसनका पदाधिकारीहरुसँग आइतबार भएको भेटमा उहाँले पर्सि (मंगलबार)देखि गोला प्रथाबाट पेशी तोक्ने बताउनुभयो ।
यसअघि प्रधानन्यायाधीशले गोला प्रथाबाट पेशी तोक्न आनाकानी गरेको भन्दै विरोध भइरहेको थियो । प्रधानन्यायाधीश जबरा भेट्न बारको टोली आइतबार सर्वोच्च पुगेको थियो।
