काठमाडौँ । कांग्रेस सभापति एवं प्रधानमन्त्री शेरबहादुर देउवाले कांग्रेसले गठबन्धन गरे आसन्न स्थानीय निर्वाचनमा सबै सिट जित्ने बताउनुभएको छ ।
केन्द्रीय कार्यसमितिको सोमबारको बैठकमा गठबन्धनबारे फरक–फरक धारणा आएको थियो । जवाफमा प्रधानमन्त्री देउवाले अघिल्लो निर्वाचनमा गठबन्धन कायम गर्न नसक्दा धेरै जना नेताहरू पराजित भएको स्मरण गराउनुभएको थियो। “गठबन्धन नहुँदा मैले नै बल्लतल्ल जितेको हुँ ।
गठबन्धन गरेर जाने हो भने अहिले हामी सबै सिट जित्छौँ,’ देउवाको भनाइ थियो “गठबन्धन नहुँदा पहिले धेरै साथीहरू हार्नुभएकै हो । जित्नका लागि गठबन्धन नगरे अर्को उपाय खोइ त ?”
सभापति देउवाले आफू धेरै लडेको मान्छे हो भन्दै प्रधानमन्त्री देउवाले आफ्नो आइडियोलोजीमा जान आग्रह गर्नुभयो । “म कांग्रेसको विधानबमोजिम अर्कोपटक सभापति हुन सक्दिन, मेरो विचार मान्ने हो भने गठबन्धन गरेर जाऔँ, म धेरै पटक लडेको मान्छे हुँ ।”
