आचारसंहिता लागू हुनुअघि सुदूरपश्चिम प्रदेश सरकारमा मन्त्री हेरफेर हुँदै

कैलाली । नेपाली कांग्रेसलाई समेत सहभागी गराई सुदूरपश्चिम प्रदेश सरकार पूर्नगठन गरिने भएको छ ।

सत्ता गठबन्धनमा भएर पनि सरकारमा सहभागी नभएको नेपाली कांग्रेसलाई स्थानीय तह निर्वाचनका लागि आचारसंहिता लागु हुनुअघि दुई मन्त्री र एक राज्यमन्त्री दिएर प्रदेश सरकारमा सहभागी गराउन लागिएको हो ।

समाजवादीको तर्फबाट सरकारको प्रवक्ता समेत रहेका आन्तरिक मामिला तथा कानुन मन्त्री पूर्णा जोशीको ठाउँमा कांग्रेस संसदीय दलका नेता डा‍ रणबहादुर रावललाई ल्याउने तयारी भइरहेको छ ।

त्यस्तै, सामाजिक विकास मन्त्री लाल बहादुर खड्काको ठाउँमा कांग्रेसका प्रमुख सचेतक गोविन्द बोहरालाई ल्याउने तयारी भइरहेको छ भने सामाजिक विकास राज्य मन्त्री मना साउदको ठाउँमा कांग्रेस सचेतक टेक बहादुर रैकालाई ल्याउने तयारी भइरहेको छ ।