काठमाडौँ । केरुङ–रसुवागढी नाका हुँदै चीनको परराष्ट्र मन्त्रालयले दिएको ५७ लाख सिरिन्ज र नौ वटा एक्स–रे मेसिन नेपाल आइपुगेको छ ।
गत चैत दोस्रो साता नेपाल भ्रमणमा रहनुभएका चिनियाँ विदेशमन्त्री वाङ यी र परराष्ट्रमन्त्री डा नारायण खड्काबीच सम्पन्न द्विपक्षीय वार्तापछि दुवै देशका सम्बद्ध अधिकारीले पारस्परिक सहयोग अभिवृद्धि गर्नेसम्बन्धी नौ वटा समझदारीमा हस्ताक्षर गरेका थिए । सोही समझदारीअन्तर्गत नेपाललाई कोभिड महामारीलाई हटाउन चीन सरकारले उक्त सहयोग गरेको हो ।
नेपालस्थित चिनियाँ राजदूत हाउ यान्कीले ट्विट गर्दै दुई मुलुकका विदेशमन्त्रीबीच भएको सहमतिलाई कार्यान्वयन गर्ने बताउनुभयो ।
उहाँले भन्नुभयो, “नेपालमा महामारीलाई पूर्णरूपमा परास्त गर्ने कार्यमा भौतिक सहयोग प्रदान गर्न जारी राख्नेछौँ।”
