काठमाडौँ । प्रधानमन्त्री एवम् नेपाली कांग्रेसका सभापति शेरबहादुर देउवाले आफूविरुद्ध परेको उजुरीको जवाफ पठाउनुभएको छ ।
देउवाले मुख्य निर्वाचन अधिकृतको कार्यालय डडेल्धुरामा पत्नी एवं कांग्रेस नेतृ डा. आरजू राणा देउवामार्फत उजुरीको जवाफ पठाउनुभएको हो ।
उहाँले पठाउनुभएको जवाफ मङ्गलबार बिहान साढे ११ बजे कार्यालयमा दर्ता भएको मुख्य निर्वाचन अधिकृतको कार्यालय डडेल्धुराले जनाएको छ ।
देउवाले प्रमाणसहित जवाफ पठाउनुभएको छ । निर्वाचन आयोगले आज २ बजेसम्म जवाफ दर्ता गराउने समय तय गरेको थियो ।
देउवाका विपक्षी नेपाली कांग्रेस (बीपी)का उम्मेदवार कर्णबहादुर मल्लले सोमबार जन्ममिति फरक भएको भन्दै उजुरी दर्ता गराउनुभएको थियो ।
