काठमाडौँ । फिफा विश्वकप छनोटको पहिलो चरणको दोस्रो लेगमा आज नेपाल र लाओस प्रतिष्पर्धा गर्दैछन् ।
लाओसको राजधानी भ्येनट्यान स्थित लाओस राष्ट्रिय रंगशालामा हुन लागेको निर्णायक खेल नेपाली समय अनुसार साँझ ५:४५ बजेबाट सुरु हुनेछ ।
नेपालले गत बिहीबार घरेलु मैदान दशरथ रंगशालामा भएको पहिलो लेगमा १–१ को बराबरी खेलेको थियो । उक्त खेलमा अन्जन विष्टले दोस्रो हाफमा गोल गर्दै नेपाललाई संकटबाट बचाएका थिए । आजको खेलमा जित हासिल गर्ने टोलीले छनोटको दोस्रो चरणमा प्रवेश गर्ने छ। आजको खेल जितेमा नेपालले अर्को चरणमा बलियो प्रतिद्वन्दी संग प्रतिस्पर्धा गर्नेछ । त्यसैले नेपाली फुटबल टीमको लागि आजको खेल महत्वपूर्ण रहेको छ ।
यसपाली अवे गोलको नियम नरहेको हुँदा खेल बराबरी भएमा ३० मिनेटको समय थप गरिनेछ । त्यसले पनि खेलको निर्णय हुन नसके खेलको नतिजा पेनाल्टी सुटआउटबाट निस्कनेछ ।
यो पनि पढ्नुहोस्: विश्वकप छनोटमा ‘अवे गोल’ काउन्ट नहुने
नेपाली टोली:
गोलकिपर: किरणकुमार लिम्बु, दीप कार्की, अभिषेक बराल
डिफेन्डर: सनिश श्रेष्ठ, अनन्त तामाङ, आशिष गुरुङ, रोहित चन्द, अन्जन राई, अमृत श्रेष्ठ, एरिक विष्ट
मिडफिल्डर: सुदीप गुरुङ, लकेन लिम्बु, आवास लामिछाने, उत्सव राई, कृतिश रत्न छिन्जु, मनिष डाँगी, आशिष चौधरी
फरवार्ड: अन्जन विष्ट, आयुष घलान, जिलेस्पी जंग कार्की, दिनेश हेन्जन, हिसुब थपलिया, सञ्जीव विष्ट
