काठमाडौं । पूर्व राजा ज्ञानेन्द्र शाह तथा पूर्व रानी कोमल शाह महाकुम्भ मेला २०२१ मा सहभागी हुन भारतको हरिद्वारमा पुग्नु भएको छ । चैत्र २६ गते नयाँदिल्ली पुग्नुभएका पूर्व राजा शाह आईतबार बिहान हरिद्वारमा पुग्नु भएको हो ।
सन्यास परम्पराका सर्वोच्च पदधारी निरञ्जन पीठाधीश्वर आचार्य महामण्डलेश्वर स्वामी कैलाशानन्द गिरीको निमन्त्रणामा कुम्भमेलामा सहभागी पूर्व राजदम्पति हरिद्वार पुग्नु भएका हो ।
राजाका हैसियतमा नै आयोजकले निमन्त्रणाा गरेको र चैत्र ३० गते आयोजना हुने र शाही स्नानमा सहभागिता जनाउने कार्यक्रम रहेका छ । हरिद्वार पुग्नु भएका पूर्वराजालाई कुम्भमेला आयोजक समितिले भब्य स्वागत गरेको थियो ।
