म्याड्रिड । बुधबार स्पेनी ला लिगामा रियल म्याड्रिडले ग्रेनेडालाई २–० ले हराएको छ । कासेमिरो र करिम बेन्जेमाले गरेको गोलमा रियलले जित आफ्नो सुनिश्चित गरेको थियो । जितसँगै लिग तालिकाको शीर्ष स्थानमा रहेको एट्लेटिकोसँग रियलले अंक बराबरी गरेको छ ।
दुवै म्याड्रिड क्लबको समान ३२ अंक रहेको छ, तर एटलेटिकोले रियलको तुलनामा दुई खेल कम खेलेको छ । रियलका लागि बेन्जेमाले इन्ज्युरी समयमा गोल गरेका थिए र यो उनको लिगमा यो सिजन आठौं गोल रह्यो ।
सबै खाले प्रतियोगितामा रियलको यो लगातार छैटौं जित हो । लिगमा भने रियलको यो लगातार पाँचौं जित हो ।
