रोम । इटालीका स्ट्राइकर एवं विवादास्पद फुटबल खेलाडी मारियो बालोटेली दोस्रो डिभिजनको मोन्जा फुटबल क्लबमा अनुबन्धित भएका छन् ।
ब्रेसियासँगको करार समाप्त भएपछि उनी कुनै पनि क्लबमा आबद्ध भएका थिएनन् । ब्रेसिया गत सिजनमा कमजोर प्रदर्शन गर्दै सिरी ए बाट बिदा भएको थियो ।
३० वर्षीय बालोटेली यस सिजनको अन्त्यसम्म मोन्जामा रहने छन् ।
मोन्जाले प्रकाशन गरेको वक्तव्यमा मोरियो बालोटेलीको अनुबन्धले क्लब अझ सशक्त हुने जनाउँदै उनी सन् २०२१ को जुन ३० सम्म रहने बताएको छ ।
